बीर गोरखालीहरुको सम्मानमा बृटिस गोर्खा भुतपूर्व सैनिक संघ (विगेसो) ले वाषिर्क दिवसको अवसरमा वृहत साँस्कृतिक कार्यक्रम गत माघ ११ गते नेपाल प्रज्ञा प्रतिष्ठान भवन कमलादिमा आयोजना गर्यो ।
बीरहरु माथी भएको अन्याय, अत्याचार र विभेदलाई नाटक र गीत संगीतको माध्यमबाट आम जनमानसमा पुर्याउन राजधानीमा विगेसोले बैचारिक सास्कृतिक कार्यक्रम आयोजना गरेको हो ।
स्वाभिमानी, गौरवशाली बिर गोर्खालीप्रति विभेद र असमानता विरुद्ध विगेसोको आन्दोलनको सन्दर्भमा बोल्दै कार्यक्रमका वक्ताले भने : संसारभरी बीरको उपाधी पाउने हामी गोरखालीहरु, उनीहरुका साम्राज्य जोगाउन ज्यानको प्रवाह नगरी लड्नेहरू विभेदबाट गुजि्रनु दुर्भाग्यपूर्ण भएको वताए ।
नेपालका ख्यातीप्राप्त जनवादी गायकहरु जीवन शर्मा, शम्भु राई देखिए । ‘झुपडि कि नारि रुन्छे, तरकारिलाई नुन छैन, महलकी नारि भन्छे, सोचे जति सुन छैन, हाँसखेल गर्दै लाको मायाँ जस्ता मर्मस्पर्सी गीतहरुमार्फत शम्भु राईले विगतमा सम्झना गराए । अर्का चर्चित जन गायक जिवन शर्माले सिमलि छाँयामा, बसी भरिया लामो स्वास फेरेको गित गाएर दर्शकहरुलाई नचाँए । नेपालका पार्श्वगायक दिपक लिम्बूले..यहाँ देशको छ चिन्ता तिमि मायाँ मायाँ भन्छौ.. भन्ने गीत गाएर दर्शकको मन जीते । मनु नेम्बाङ, सन्जय तुम्रोक, बिशाल योञ्जनले अधिकार र बिभेदका मर्मस्पर्सी गीतहरु पस्केका थिए ।
चलचित्र निर्देशक रवि सेर्मा, मनु थक्लूङ, नबिन राई र लक्ष्मि योङहाङले लाहुरेले भोग्नुपर्ने लडाईको दु:ख सम्बन्धि मनै छुने नाटक मञ्चन गरेकाथिईन ।
बिगेसोका सभापति पदम सुन्दर लिम्बूको अध्यक्षतामा सम्पन्न कार्यक्रममा बिगेसो सल्लाहकार परिथापा, पुर्व राजदुत, परराष्ट्रविद् हिरण्यलाल श्रेष्ठ, देशभक्त जन गणतान्त्रिक मोर्चाका अध्यक्ष सि.पि. गजुरेलले मन्तब्य राखेका थिए ।
यस अन्तराष्ट्रिय लेवल को बैचारिक सास्कृतिक कार्यक्रमलाई नेपाल को बिभिन्न स्थान पोखरा, बुटवल, धरानमा पनि प्रदर्शन गरि अन्य देशमा पनि लैजाने जानकारि गराउदै अध्यक्ष लिम्बूले कार्यक्रम समापन घोषना गरेकाथिए । यासेली योङहाङ र बिक्रम थापाले सयुक्त रुपमा संचालन गरेका कार्यक्रमको संयोजना गायिका मनु नेम्बाङले गरेकी थिईन ।
