१७ मार्च, हङकङ– युनाइटेड तेक्वान्दो अकाडेमी हङकङको ३९ औं बेल्ट अपग्रेडिङ्ग टेष्ट साम सेई पु स्थित पेइ हो स्पोर्टस सेन्टरमा सम्पन्न भयो ।
क्लबका प्रेसिडेण्ट तथा ग्राण्ड मास्टर सैलेन्द्र राईद्धारा लिइएको उक्त अपग्रेडिङ टेष्टमा आइतबार क्लासका ४ जना ब्लाक बेल्ट सेकेण्ड डान, १२ जना ब्लाक बेल्ट फष्ट डान सहित २७० जना कलर बेल्टका खेलाडीहरु सहभागी । 
सेल्फ डिफेन्स, उड ब्रोकन, ग्रुप प्याटर्न, स्पारिङ लगायत तेक्वाण्दो सम्बन्धि विभिन्न आकर्षक कलाहरु समेत प्रदर्शन गरिएको उक्त कार्यक्रममा मास्टर राईले ३८ औं अपग्रेडिङ टेष्टमा पास भएका ब्लाक बेल्ट सेकेण्ड डान तथा फष्ट डान स्टुडेण्टहरुलाई कुक्कीवान हेडक्वाटरको प्रमाणपत्र समेत हस्तान्तरण गरेका थिए ।
जोर्डन र वानचाई किड्स क्लास लगायत शनिबार क्लासका करिब ११० जना स्टुडेण्टहरुको छिट्टै नै टेष्ट लिने बताउँदै ग्राण्ड मास्टर राईले निकट भविश्यमै हुन लागेको 
२ वटा हङकङव्यापी स्पारिङ तथा पुम्से प्रतियोगितामा धेरै भन्दा धेरै गोल्ड मेडल ल्याउँनको लागि तयारी रहन समेत राईले आग्रह गरेका थिए ।
जोर्डन, वान्चाई, सेन्ट्रल, मङकक, साम सेई पु, लङ पिन, ताइपो, चिङ यी लगायत हङकङका विभिन्न स्थानमा गरी २० वटा ब्रान्च रहेको उक्त क्लबमा ४५० बढि स्टुडेण्टहरु रहेका छन् भने हङकङमा आयोजना गरिने विभिन्न स्पारिङ तथा पुम्से (प्याटर्न) प्रतियोगिताहरुमा सहभागिता जनाउँदै राम्रो नतिजा समेत हासिल गर्दै आएको क्लबका प्रेसिडेण्ट तथा ग्राण्ड मास्टर सैलेन्द्र राईले बताए ।
