उ सरल छ, अत्यान्तै शिष्ट छ
धनी र गरिब चिन्दैन उ
ठूला र साना छुट्याउदैन उ
भुपडीहरुलाई हेप्दैन पनि
अनि महल र दरबारहरुसंग किन्चित डराउदैन पनि
सपनाको लौरी टेकेर भूगोल यात्रामा निस्कन्छ
निश्छल अनि निष्पक्ष कोरना
हाकिम र पियन चिन्दैन उ
नेता र कार्यकर्ता पनि छुट्याँउदैन
निर्मला र रोसनी पनि भन्दैन
विल्कुल विभेद गर्दैन उ
छिन छिनमा कुरा फेर्दैन
न तेत्तीस किलोमा लोभिन्छ?
न वाइड वडिमा झोक्किन्छ?
उसका लागी न गोकुल, न वालुवाटार!
विल्कुल भेदभाव गर्दैन ।
खोले र सिस्नु खानेलाई हेप्दैन उ
मार्सी भातवालासंग डराउँदैन पनि
उसका अगाडि लापर्वाही गर्नेहरू
कसैलाई छोड्दैन उ
सपनाको लौरी टेकेर भूगोल यात्रामा निस्कन्छ
निश्छल अनि निष्पक्ष कोरना
उ निरन्तर यात्रामा छ
सपनामा भूगोल चियाउँछ
उसलाइ के यूरोप,के एशिया?
उसलाइ के अमेरीका,के अफ्रिका?
पानामाले छेक्दैन उसलाई,
ग्रेटवाल र जङ्गे पिल्लर सजिलै फड्कन्छ उ
बन्दुक र बारुदसंग डराउँदैन
तोप र मिसाइल त उसका लागि निम्छरा हुन
विश्व मेरै अधिनमा हुनु पर्छ भन्ने दादागीरी पनि
उसका सामु नतमस्तक भए
मात्र उ, सपनाको लौरी टेकेर भूगोल यात्रामा छ
निश्छल अनि निष्पक्ष कोरना
ओसामा र अल जवाहीरीले झैँ,
अलकायदा खोल्दैन उ
सन २००१ मा झैँ टुइन टावर हान्दैन
पाकिस्तान जस्तो तालीवान पनि जन्माउँदैन
काश्मीरी हिजवुल्ह मुजाहिदि्न जस्तो
निर्दयी र निर्मम पनि छैन उ
न नाइजेरीयाको बोको हराम जस्तो उद्दण्ड छ?
मात्र उ, सपनाको लौरी टेकेर भूगोल यात्रामा छ
निश्छल अनि निष्पक्ष कोरना
शान्त छ अनि सरल छ उ
भूकम्प जस्तो रेक्टरमा जोखिदैन उ
क्षण भरमै विशाल मानव वस्ती खण्डहर बनाउँदैन
बाढी र पहिरो झैँ बस्ती बस्तीमा चिहिलबिहिल पार्दैन
साइक्लोन र सुनामी जस्तो क्रुर पनि छैन उ
टोरनाडो र हुरीक्यान जस्तो सिङ्गै शहर बढार्दैन
मात्र उ, सपनाको लौरी टेकेर भूगोल यात्रामा छ
निश्छल अनि निष्पक्ष कोरना
मस्जिद मै जाउ र सला गर भन्दैन उ
कतुल स्तीमातेम बाटै अल्हाह सम्झे पुग्छ
चर्चमै गएर बाइवल रट भन्दैन उ
जँहा छौ त्यहीबाट जीससको नाम सम्झे हुन्छ
महादेव र वुद्ध त झन तिम्रै बुँइगलमै छन्
किन धाउँछौ तिमी पशुपति र लम्बिनी ?
किन धाउँछौ तिमी मक्का र मदिना?
कण कणमा छ इश्वर,
कण कणमा छ कोरना,
भनिन्छ कोरना, चाइनामा जन्माइयो
दाबी गर्दछ चाइना,
अमेरीकामा जन्माइयो र वुहानमा मुकर्रर गरियो
न हिमाल दोषी छ न तराई?
न मरुभुमी दोषी त न समुन्द्र?
एक अर्कामा दोषारोपण मात्र तिम्रो दिग्भ्रम हो
जन जनमा छ कोरना
कण कणमा छ कोरना
सर्वव्यापी छ कोरना,
सपनाको लौरी टेकेर भूगोल यात्रामा निस्कन्छ
निश्छल अनि निष्पक्ष कोरना
उ आफ्नो लक्षमा अडिग छ
आफ्नो यात्रामा अविछिन्न छ
न बमसंग बम्कीन्छ कोरना?
न तरवारसंग तर्सीन्छ कोरना?
न देवी देउराली भाकेर जान्छ?
न फूल अक्षेता चढाएर मान्छ?
बरु एकान्त बास बस्नु,
अलिकति साबुनको “भोग” दिनु
अलिकति “पानी” चढाउनु,
आफ्नो ठाँउमा आफै जान्छ कोरना
अनायसै आत्तिन्छ मान्छे,
कुरै नबुझी डराउँछ मान्छे
सपनाको लौरी त उसको एक मात्र सहारा हो,
जब रात ढल्दै जान्छ,
उसको सपनाको लौरी भाँचिन्छ
अनि,
बिहानीपख सूर्यको निर्मल किरणसँगै,
मुस्कुराउछ मान्छे
त्यतिन्जेल,
वैकुण्ठमा निराकार भैसकेको हुन्छ कोरना
निश्छल अनि निश्पक्ष कोरना , एनअेाएन , हरिश कुँवर ‘प्राेमिस’
