मोति चाम्लिङ, हङकङ
अब फेरि त्यो
स्याल धोती फूल
आंगनमा फुलेको हेर्न
बर्शौं पछिका गुनासाहरु
नाङ्लो भरी फिजारेर
मन सिलाउंदै केलाउन
आतुर छ मन
चुहिएको बलेंसिबाट
बर्षे झरी सिकुवाबाट
छल्दै लुत्त घर भित्र छिर्न।
भाग्यमा लेखिएको छ भने
उहिलेका दुख र बेदनाका कथा
आंग चिलाएर फेरि कन्याउदै
मनमुटुबाट आलै ओकलेर
छांदमारीको हिक्कामा
संगित भरेर एउटा
चनाखो सिपाहिले
चांदमारी परेड खेल्न
आइपुगौंला गोदावरी नफक्रदै
ए सिम्मौ!
सयपत्रीको सुनौला रंगसंगै
तिरतिरे धाराको संगितसंगै
फेरि एकपटक
गाउँ रमांउला।
कोरोना भाईरस बिरुद्ध बगैंचा डटकम फेसबुक पेजबाट प्रत्यक्ष बाचनका गरिएको कविता।
संयोजन: मगेन्द्र राई ।