संयुक्त राष्ट्र बाल कोषले सोमबार भनेको छ कि डेमोक्र्याटिक रिपब्लिक कंगोमा इबोला भाइरसले १५ वर्षीया केटी सहित ५ जनाको मृत्यु भएको छ। युनिसेफले एक विज्ञप्तिमा भन्यो, “भाइरसको संक्रमित अरु चार जना व्यक्तिहरू मृतकसँग सम्पर्कमा थिए र एउटा घातक केस भएकाे बच्चाकाे उपचार माण्डाकाकाे वाङ्गाटा अस्पतालको पृथक इकाईमा भइरहेको छ।” “मृत्यु १८ र ३० मेको बीचमा भएको थियो, तर इबोला भनेर हिजो मात्र पुष्टि भयो।” यसभन्दा अघि सोमबार विश्व स्वास्थ्य संगठनका महानिर्देशक टेड्रोस एड्नोम गेब्रियससले ट्वीट गरेका थिए कि देशको उत्तरपश्चिम इक्वेटुर प्रान्तको माण्डाकामा ६ वटा घटना रिपोर्ट गरिएको थियो। यो सम्भावित घातक भाइरस देशको ११ औं प्रकोप हो, शारीरिक तरल पदार्थबाट सर्ने र प्रकोपको आधारमा २५ % र ९० % बीचको मृत्यु दर हुन्छ। डेमोक्र्याटिक रिपब्लिक कंगाेमा २०१८ मा देशको पूर्वी भागमा शुरू भएको प्रकोप उन्मूलन गर्न संघर्ष गरिरहेको छ, जसमा डब्ल्यूएचओका अनुसार ३,४०६ संक्रमित साथ २,२४३ जनाकाे मृत्यु भएको रिपोर्ट गरिएको थियाे। पछिल्लो २१ दिनमा त्यहाँ कुनै नयाँ केस रिपोर्ट भएको छैन। किनकि इबोलाको २१ दिनसम्मको इन्क्युबेशन अवधि हुन्छ, यसले संकेत दिन्छ कि प्रकोप नियन्त्रणमा हुन सक्छ तर प्रकोप समाप्त भएको निर्धारित गर्न डब्ल्यूएचओ दुई पूर्ण इनक्युबेशन अवधिहरू, वा ४२ दिन पर्खन्छ। “यो घोषणा, पूर्वी डेमोक्र्याटिक रिपब्लिक कंगाेमा लामो, गाह्रो र जटिल इबोलाको प्रकोपको रूपमा आएको छ, जबकि यो देश कोभिड १९ र विश्वको सबैभन्दा ठूलो दादुरा प्रकोपसँग संघर्ष गरिरहेको छ,” डब्ल्यूएचओले एक विज्ञप्तिमा भनेको छ। मध्य अफ्रिकी देशले ३,१९५ कोरोनाभाइरसको संक्रमित र ७२ जनाको मृत्यु भएको बताएको छ। डेमोक्र्याटिक रिपब्लिक कंगाेलाई हालसम्म प्रभाव पार्ने सबैभन्दा ठूलो महामारी दादुरा हो, जसले २०१९ देखि लगभग ३,७०,००० मानिसहरूलाई संक्रमित गरिसकेको छ र ६७७९ मृत्यु भएको छ। इबोला भाइरस चमेरोमा बस्छ र डब्लुएचओका अनुसार डेमोक्र्याटिक रिपब्लिक कंगाेमा नयाँ प्रकोपको अपेक्षा गर्न सकिन्छ। २०१४–२०१६मा इबोलाको सबैभन्दा ठूलो महामारी पश्चिम अफ्रिकी देश लाइबेरिया, सियरा लियोन र गुयनामा भएको थियो। २८,००० भन्दा बढी व्यक्तिहरू त्यस महामारीमा संक्रमित थिए र ती मध्ये ११,००० भन्दा बढीको मृत्यु भएकाे थियो। स्रोत सीएनएन
