समसामयिक कवि

Author : ईन्द्र थेगीम
Published on : March 22, 2017


  
ईन्द्र थेगीम

ओ कवि !

भावनामा हराउनलाई,

रुख, पात, लहरा झुलिरहेछ्न्

कविता मिलेको लेख्नलाई

गद्य, पद्य, छन्दहरू लहरमा छन्

गहन र भाष्ट भावना समेट्नलाई

नेपाली बाहेक लाखौं बिदेशी किताबहरू छन्

दाम छाडेर मात्र 'नाम' कमाउनलाई

रातारात किताब छापिने छापाखानाहरू छन्,

 

के पुगेन तिमीलाई ?

सामाजिक मुद्दा बनाउदा

तिम्रो आफ्नै घरको उदाहरण साक्षी छ

राजनैतिक उथल पुथल चर्किरहंदा

मधेसी, पहाडी पहिचानसंगै जनजाति छ

ब्यक्तिगत अनुभवलाई समेट्दा

दुस्ख कस्ट आफ्नै जिन्दगीमा लामो तांती छ

मायालु र सौर्न्दर्य भाब पस्किदा

बजार भरि कृतिम बस्तुहरू सुपथ मुल्यमा थांती छ,

 

ट्वां परेर कसलाई हेरिबस्छौ ?

ओ कवि ! के पुगेन तिमिलाई ?

आफुले टेकेको जमिनलाई महशुस गर

कविता भित्र कवि हराउ

या

कवि भित्र कवितालाई हराउ

बश-

स्वत: पोखिने भावहरू

आक्रोश र बिचल्लित मनहरू

कुन्ठित र तिरस्कृत आत्माहरू

तृष्णा र बितृष्णाहरू

जीवन र भोगाईहरू

सौर्न्दर्य र रोमान्सहरू

योवन र चाहनाहरू

स्वतन्त्र र बिकृतीहरू,

 

लेख्दै जाउ

लेख्दै जाउ

यो युगको तिमी 

 जिउँदो जाग्दो कवि बन्नेछौ।

 

(बिश्व कविता दिवश २०१७)