मीना पुमा राई All Literature | Contact Author

नटुट्नु थियो सम्बन्ध हाम्रो टुटाएर कहाँ गयौ

नछुट्नु थियो साथ हाम्रो छुटाएर कहाँ गयौ

संगै जिउने संगै मर्ने कसम खायौ पहिले

दोबाटोमा एक्लै छाडी भन कहाँ गयौ अहिले

नलुट्नु थियो खुसि हाम्रो लुटाएर कहाँ गयौ

नछुट्नु थियो साथ हाम्रो छुटाएर कहाँ गयौ ।

जुन संसार हो तिम्रो उही लैजाउ मलाई

सम्झनामा हर पल नराख भो मुटु जलाई

नफुट्नु थियो शिशा सरि फुटाएर कहाँ गयौ

नछुट्नु थियो साथ हाम्रो छुटाएर कहाँ गयौ ।

खोटाङ