दिपेन्द्र "अश्रुमाली" All Literature | Contact Author

नरोकेर नछेकेर छेकियो समय ॥

जीवनमृत्यु दुवैमा देखियो समय ॥

रोई कराई चिच्याई टार्दैन टारेर,

जन्ममा नै निधारमा लेखियो समय ॥

रहर हैन जन्म मरण पनि त्यस्तै,

सप्ना अपुरो बुढ्यौली टेकियो समय ॥

चाहाना अधुरो विछोड पिडा सँगै,

यात्राकालमै रोकि ठेकियो समय ॥

नचाहेरै भुल्नुपर्ने पल  कुनै  हुन्छ,

विश्वासबाटै पुर्पुरो सेकियो समय ॥

जीउँदाको जन्ति मर्दाको मलामि मान्छे,

पिंजडामा  चरी   सरि    चेतियो समय ॥

गोरखा