'नग्न युवतीहरू पक्राउ' शिर्षमा अखबार भरी-भरी ठूला अक्षरमा अझ बोल्ड भएका छन्। बबरमहलस्थित मूनलाईट रेष्टुरेण्टबाट रातको दश बजेतिर प्रहरीको टोलीले पार्वता गुरूङ युमा लिम्बु सानिमा मगर राधा राई र, निर्मलालाई रङ्गेहात पक्राउ गरेको रहेछ। यो बिहान- म छु र छ मेरो अगाडि देशकै सर्वाधिक बिक्री हुने बिग हाउसको अखबार हेरिरहेछु पढिरहेछु अनि खोजीरहेछु- उस्को नियतिको भाषा ! अन्तिमको नामसँग बेस्सरी झोक्किएँर झस्किएँ अर्थात् बिग हाउसको निर्मलासँग निर्मला मात्रै लेख्नुमा के अर्थ छ- हो- तेहीं दिनदेखि आजसम्म मैले अर्थहरूभित्रको अर्थ बुझन सकिरहेको छैन! या बुझने कोशिश गर्दैछु । (झापा) |