काठमाडौं । लिओनल मेस्सीको दुई गोलको मदतमा बार्सिलोनाले च्याम्पियन्स लिगमा युभेन्टसमाथि सहज जित हात पारेको छ । मंगलबार राति भएको समूह चरणको आफ्नो पहिलो खेलमा बार्सिलोनाले युभेन्टसलाई ३–० ले हराएको हो ।
नाउ क्याम्पमा भएको खेलमा बार्सिलोनाले ४५ औं मिनेटमा मेस्सीको गोलबाट अग्रता लियो । उनले लुइस स्वरेजसँग वान टु वान पास खेल्दै गोल गरे ।
दोस्रो हाफमा पनि युभेन्टस खेलमा फर्कन सकेन । ५६ औं मिनेटमा राकिटिकले गोल गरे भने ६९ औं मिनेटमा मेस्सीले व्यक्तिगत दोस्रो गोल गरे । मेस्सीको यो गोल लोभलोग्दो थियो । राइट विङबाट बल अघि बढाएका अर्जेन्टिनी स्ट्राइकरले युभेन्टसका डिफेण्डरहरुलाई छल्दै गोल गरेका थिए ।
