वम विस्फोट हुँदा प्रहरी र पत्रकार घाईते

  बगैचा सम्वाददाता

 


कास्की

पोखराको विजयपुरमा वम विस्फोट हुँदा प्रहरी कुलबहादुर खत्री र पत्रकार घनश्याम पाण्डे सामान्य घाईते भएका छन् । पत्रकार पाण्डेको टाउको र घाँटीमा चोट लागेको छ । घाईतेको गण्डकी मेडिकल कलेजमा उपचार भइरहेको छ । जिल्ला प्रहरी कार्यालय कास्कीका प्रहरीका अनुसार झोलामा शंकास्पद वस्तु भेटिएपछि सेनाको बम डिष्पोजल टोलीलार्ई बोलाईएको थियो । पत्रकार पाण्डेले फोटो खिच्नको लागि क्यामेराको फ्लास अन गर्नेबित्तिकै बम पड्किएको थियो ।बममा जडान गरिएको टाईम डिभाईस फ्लासका कारण अन भई विस्फोट भएको हुनसक्ने प्रहरीले अनुमान लगाएको छ । सेनाले पोखराको नागढुंगा नजिक राखिएको नीलो झोलाको शंकास्पद वस्तु निष्क्रिय पारेको छ । बम कसले राखेको भन्ने विषयमा यकिन नभएतापनि विप्लव माओवादीले बन्द आयोजना गरेको र बम पनि राखेको हुनसक्ने आशंका प्रहरीको छ।

 

तपाईको प्रतिक्रिया

सम्बन्धित समाचार