बर्लिन – संयुक्त राज्यमा मिनियापोलिस शहरका अफ्रिकी अमेरिकी जर्ज फ्लोएडको हत्या पछि जर्मनीमा हजारौँ मानिसहरूले जातीयता र प्रहरी क्रुरता विरुद्ध शनिबार प्रदर्शन गरे। पुलिसका अनुसार, बर्लिनको अलेक्ज्याण्डरप्लाज स्क्वायरमा काेभिड १९ महामारीको अवधिमा न्यूनतम दूरीको आदेशको बाबजुद १,५०० सहभागीले मात्र उक्त कार्यक्रमको लागि दर्ता गरेका भएपनि करीव १५,००० मानिसहरू सहभागी थिए। पुलिस अधिकारीहरूले ट्वीटरमा भने कि स्क्वायर भरिएको र मानिसहरूलाई आउन बन्द गर्न भनियाे। मिनियापोलिस सडकमा ४६ बर्षे फ्लोएडको मृत्यु २५ मेमा भएको थियो जब एक पुलिस अफिसरले उनको घाँटीमा झण्डै नौ मिनेट घुँडा टेकेका थिए। जर्मनीमा कालो कपडामा प्रदर्शनकारीहरू मध्ये धेरैले ब्यानरहरू बोकेका थिए जुन ब्ल्याक लाइभ मैटर आन्दोलनलाई समर्थन गर्दथ्यो। आयोजकहरूले ठीक ८ मिनेट ४६ सेकेन्डसम्म मौन प्रदर्शनको लागि आह्वान गरे, जुन समय पुलिस अफिसरले फ्लाेएडको घाँटीमा घुँडा टेक्दा उनकाे होस हराएकाे थियाे। बर्लिन पुलिसले भने कि प्रदर्शनकारीहरूको एउटा समूहले अधिकारीहरूलाई बोतल र ढुंगा प्रहार गरेपछि उनीहरू धेरै पक्राउ परे। एक जना अधिकारी घाइते भए। एउटा अर्को घटनामा, एक प्रेस फोटोग्राफरको टाउकोमा एक बोतलले हानियाे, पुलिसले थपे। करीव २५,००० प्रदर्शनकारीहरू म्युनिक सडकमा उत्रिए तर पुलिसका अनुसार २०० व्यक्तिहरूले उक्त घटनाको लागि दर्ता गरेका थिए। प्रदर्शन क्षेत्रलाई सामाजिक दूरी आदेशको पालना गर्न प्रदर्शन गर्नेहरूलाई थप ठाउँ दिन अन्तत: सभा क्षेत्रको विस्तार गरिएको थियो। ह्याम्बर्गमा प्रहरीले भने कि जङ्गर्फेन्स्टिग र रथौसमार्कमा एकसाथ भएका जुलुसमा जम्मा १४,००० मानिस सहभागी भए तर कोरोनाभाइरस विरोधी कदमका कारण करीव ८०० जनालाई मात्र अनुमति दिइयो। ह्याम्बर्ग प्रहरीले प्रदर्शन अघि आफ्नो एकता घोषणा गरिसकेको छ। “हामी तपाईंको साथमा छौँ!”र्यालीहरू सुरु हुनुभन्दा पहिले यो ट्वीट गरे। “हाम्रो समाजमा जातिवादको ठाउँ हुनु हुँदैन। हामी हरेक दिन काम गर्छौँ जसले ह्याम्बर्गका सबैले सुरक्षित महसुस गर्न सक्दछन्।” फ्रान्कफर्ट, म्यानहाइम र स्टटगार्ट जस्ता अन्य शहरहरू पनि शनिबार प्रदर्शनकर्ताहरूले भरिएका थिए। “जातप्रति विभेद निषेध छ” र “ब्ल्याक लाइभ मैटर “को आह्वान गर्दै “साइलेन्ट डेमोस” को लागी कलहरु इन्टरनेटमा प्रकाशित भएको थियो। सिन्ह्वा
