विश्वभर कोरोना भाइरसबाट संक्रमित हुनेको संख्या ८० लाख नाघेको छ। सोमबार राति ८ बजेसम्म वर्ल्डओमिटरको तथ्यांकअनुसार संसाभर कोरोना संक्रमितको संख्या ८० लाख २८ हजार ४ सय ५२ पुगेको हो। तीमध्ये ४ लाख ३६ हजार २ सय ८० जनाको मृत्यु भएको छ । यसैगरी संक्रमितमध्ये ४१ लख ४८ हजार ३ सय ९ जना भने निको भएका छन् । अहिले विश्वमा सबैभन्दा बढी कोरोना संक्रमण अमेरिकामा फैलिरहेको छ । त्यहाँ यो खबर लेख्दासम्म २१ लख ६३ हजार ३ सय ३८ जना कोरोनाबाट संक्रमित भएका छन् । यसैगरी त्यहाँ कोरोना संक्रमणका कारण १ लाख १७ हजार ८ सय ७५ जनाको मृत्यु भइसकेको वर्ल्डओमिटरको तथ्यांकले देखाएको छ। श्राेत:एनअेाएन
