हङकङको स्वास्थ्य संरक्षण केन्द्र (सीएचपी) ले मंगलबार काेभिड-१९ को ६४ संक्रमित थप पुष्टि भएकाे रिपोर्ट गर्याे, जसको कुल संख्या १०,२२२ पुगेको छ। सीएचपी प्रेस ब्रीफिंग अनुसार, नयाँ केसहरूमा स्थानीय ७३ संक्रमणहरू सामेल भए जसमध्ये २१ अज्ञात रहेको छ। हङकङ विशेष प्रशासनिक क्षेत्र (एचकेएसएआर) सरकारको खाद्य र स्वास्थ्यका सचिव चुई टाक-यीले प्रेस ब्रीफिंगमा भने कि जनवरीदेखि हङकङमा ४९४ नयाँ स्थानीय घटना रिपोर्ट गरिएको थियो। पछिल्ला दुई हप्ताहरूमा, नयाँ संक्रमण पुष्टि भएकामा ३६ प्रतिशत एसिम्प्टोमेटिक भएकाे बताए। चुईले भने कि महामारीको गम्भीर अवस्थाको सामना गर्दै बिहीबार समाप्त हुने सामाजिक दुरीका उपायहरुलाई थप ७ दिनको लागि विस्तार गरिनेछ। हङकङको अस्पताल प्राधिकरणका अनुसार ८५२ काेभिड-१९ बिरामीहरू अहिले सार्वजनिक अस्पताल र एसियावर्ल्ड-एक्सपोमा सामुदायिक उपचार सुविधामा उपचार भइरहेका छन् र ३४ बिरामीको अवस्था गम्भीर छ। सार्वजनिक अस्पतालमा हालसम्म कूल १६८ काेभिड-१९ बिरामीहरूको मृत्यु भएको छ। श्राेत: सिन्हुआ
