चौविसै वारी छथर, पुग्दैन मनको रहर,
नुबुवा खोलाको पानी चोखो छ,
हातै समाई सोःमिमा ज्यू, चोःत्लुङ पार्कमा घुम्ने धोको छ,
चौविसै पारी छथर, मरेर लानु के छ र ? खदम खोलाको पानी चोखो छ ।
मनै वहलाउने, मर्मस्पर्सी पुर्वेली लोकभाखाको म्यूजिक भिडियो हिजो काठमाडौमा राई इज किङ्ग उपनाम ले प्रख्यात गायक राजेस पायल राई को प्रमुख आतिथ्य,लाजेसा भगत सुब्बा जस्ता व्यक्तित्व को उपस्थितिमा कलाकार र पत्रकारहरु सम्मिलित एक समारोहविच सार्वजनिक भएको छ । नेपाली साँगितिक आकाशमा म्यूजिक भिडियो सार्वजनिक नहुँदै टिकटकमार्फत सर्वाधिक चर्चामा रहेको यो गीतलाई पेपराज माबुहाङ्ग र सुनिता संयकले स्वर दिएका छन् ।
याक्थुङ (लिम्बू) समुदायको चर्चित ख्यालीबाट शुरु गरिएको म्यूजिक भिडियोमा नयाँ शैलीको प्रयोग गरिएको छ ।
उज्यालो घ्यूू ए..,
सोःमिमा ज्यू ए..,
ए.. कतिमा राम्रो तोरिबारी,
सोल्टीनी उता कोशीपारी,
ऐसेलु फुल्यो, वन भो सेतै,
ज्यान मात्र यता, मन छ उता ।
धान छरी ज्यू ए…,
सोःमिपा ज्यू ए…,
ए.. धानैमा काटी सुकि नाम्ले,
सम्झेको छु है दुःखी ज्यानले,
माछीले जालै हान्छ नि हौ,
मनमात्रै कटक्कै खान्छ नि हौ ।
हङकङलाई लामो समयदेखि कर्मथलो बनाउदै आउनुभएका सामाजिक संघसस्थामा कार्यरत समाजसेवी, कर्मठ कलाकार त्रिभुवन लुम्फङ्वा को म्यूजिक भिडियोमा पहिलो अभिनय हो ।
यस भिडियो का निर्माताहरु सेर बहादुर लक्सम्बा, हिम सिंगक, पृथिबी इङ्गनाम र रिजिन साम्बा रहेकाछन।
पेसल माबुहाङ्ग को रचना, संजय तुम्भाहाम्फे को संगीत संयोजनमा गायक गायिकाको सुमधुर स्वरमा सजिएको म्यूजिक भिडियोले नेपाली गीत संगीतको दुनियामा गतिलो इँटा थप्न सक्ने अपेक्षा गर्न सकिन्छ । भुपेन्द्र तुम्बाहाम्फे द्वारा क्यामेरा र निर्देशन गरेका म्यूजिक भिडियोलाई दिनेस माङ्ग्मु को कोरियोग्राफी र अनिल राणा ले सम्पादन गरेका हुन् भने ड्रोन भोगेन्द्र याम्फु र क्यामेरा एसिस्टेन अरुण नेउपाने ले गरेका छन।
कलाकार, त्रिभुबन लुम्फुवा, सोना लिम्बु, बिष्णु मुखिया, संगीता लावोती आदि रहेकाछन्।