काठमाडौं
पूर्व गृहमन्त्री तथा नेपाली कांग्रेसका नेता खुमबहादुर खड्काको निधन भएको छ। मृगौला रोगबाट पीडित खड्काको भारतको नयाँ दिल्ली स्थित अपोलो अस्पतालमा उपचारका क्रममा उनको निधन भएको हो । ४ फागुनमा बाथरुममा लडेर छाती र मिर्गौलामा समस्या देखिएपछि थापाथलीस्थित नर्भिक अस्पतालमा भर्ना गरिएकोमा उनलाई त्यहाँ सुधार नभएपछि एपोलोमा लगिएको थियो । उनलाई ६ फागुनमा थप उपचारका लागि एपोलो लागिएको थियो । उनको त्यहाँ आइसीयुमा राखेर उपचार भएपनि सुधार हुन सकेको थिएन । भ्रष्टाचार काण्डमा जेल परेपछि कांग्रेसमा खासै सक्रिय नभएका उनी गत महाधिवेशनबाट भने केन्द्रीय सदस्यमा निर्वाचित भएका थिए ।