सरकारी स्रोतका अनुसार– हङकङको रेष्टुरेण्टहरूमा साँझको डाईन–इन सेवाहरूमा प्रतिबन्ध थप दुई हप्ताका लागि लम्बाइनेछ, ।
प्रमुख कार्यकारी क्यारी लामले शुक्रबार साँझ एक पत्रकार सम्मेलनमा प्रतिबन्धको विस्तार र अन्य कोरोनाभाइरस–सम्बन्धित सामाजिक–दूरी उपायहरूको घोषणा गर्ने अपेक्षा गरिएको छ, सम्भवत महामारी राहत कोषको पाँचौं चरणको विवरणहरू पनि प्रस्तुत गरिने छ ।
लामले प्रभावित व्यवसायका लागि राहत रकम जम्मा करिब ४ अर्ब हङकङ डलर (५१३ मिलियन अमेरिकी डलर) हुने बताउनुभएको थियो ।
प्रतिवन्ध विस्तारले हङकङका परम्परागत चाडपर्वको भोजमा बाधा पुर्याउनेछ, जसको सट्टा सार्वजनिक बिदा समाप्त भएको एक दिन पछि – चाईनिज नयाँ वर्षको कम्तिमा चौथो दिनसम्म घरमै मनाउनु पर्ने हुन्छ । नयाँ वर्ष मेला जस्ता ठूला कार्यक्रमहरू पनि प्रभावित हुनेछन् ।
कडा सामाजिक–दूरी उपायहरू, सुरुमा दुई हप्तासम्म चल्ने गरी, जनवरी ५ मा कोरोनाभाइरस संक्रमणको चलिरहेको पाँचौं लहरको उदयको कारण पुन: लागू गरिएको थियो।
बार, जिम, थिएटर, पार्क र ब्यूटी पार्लरहरू लगायतका पन्ध्र प्रकारका स्थानहरू बन्द गर्न बाध्य पारिएको थियो, जबकि रेस्टुरेन्टहरूलाई बेलुका ६ बजेदेखि बिहान ४ः५९ बजेसम्म डाईन–इन सेवाहरू प्रदान गर्न निषेध गरिएको थियो।scmp