१८ मे, हङकङ– गीतकार तथा साहित्यकार हेनसेन याक्खाको ‘तिमी डुब्यौंकी मेरो प्रेममा…’ गीतको म्युजिक भिडियो हिजो शुक्रबार यूट्युव मार्फत सार्वजनिक भएको छ ।
हेनेसेन याक्खाको सुन्दर शब्दहरुमा गायक तथा संगीतकार उत्तमजंग लिम्बुले संगीत भरेका छन 
भने उत्तमजंग लिम्बु र अन्जु पन्तको श्वर रहेको छ । मोडलद्धय आयुषा लिम्बुखिम र तिलक खत्रीको अभिनय रहेको उक्त म्युजिक भिडियोलाई तारेभीर चलचित्रका निर्माता तथा कलाकार देउकृष्ण देवान याक्खाले निर्देशन गरेका हुन ।
ईलामको कन्याम, इटहरीको गोकर्ण रिशोर्ट लगायत पूर्वको रमणीय क्षेत्रहरुमा लिइएको उक्त म्युजिक भिडियोलाई शिर कुमार साम्पाङ राईले छायाङकान गरेका हुन् ।
विशेष गरी कविता, लघुकथा र लेखहरुमा कलम चलाउँदै आएकी धरानकी साहित्यकार हेनसेन याक्खाले आफ्ना पाठक, स्रोता तथा दर्शकहरु माझ पहिलो गीत कोशेली श्वरुप ल्याएको बताउँछिन् ।
